曹仁超訪問
http://obelia2.blogspot.com/2009/05/dialogue-with-cho-chi-ming.html
最得意訪問唔係信報、壹周刊而係年青人雜誌Milk所做，效果異常奇妙。
有幾點要highlight，曹Sir平時專欄唔會寫
相信好多讀者跟我一樣，報以會心微笑。
全文最值得細味是「如何突破上一代」, 大家可留言討論一下。
後記:
曹Sir對X世代的建議
(節錄 2009年5月18日 信報．投資者筆記)
兩星期前我老曹接受milk雜誌訪問（代表年輕一代嘅雜誌），該雜誌記者認為我地呢一代（戰後嬰兒一代）佔去香港一切美好嘅東西，而令佢地X一代對 未來期望變得暗淡及灰心。如此充滿怨氣嘅結論都幾有趣。我地不妨睇睇南韓嘅年輕一代，佢地充滿創意；再睇番香港年輕一代，唔少卻變成電車男或御宅女。我老 曹請香港X一代年輕人開拓你們嘅新天地，只有創意才可改變未來，而非抱怨。何況今天阻礙年輕一代上位嘅唔係我地呢一代（戰後嬰兒），而係中國人嘅家族觀 念。
香 港企業最基本單位係「家族企業」。中國人經營嘅企業，凡事以「家」為重，家長喺企業中地位接近不可挑戰，經常以家規、家法取代企業管理；加上親疏有別嘅人 際關係，即家人關係、熟人關係及生人關係三大規範；家人待遇最好、熟人次之、生人更次之。往往將家族利益凌駕於企業利益之上。响咁情況下，非家族成員又點 會忠心於企業？唔少企業所有重要職位幾乎全由家族成員佔據，令真正有用嘅人才好難進入內部核心階層，形成人治企業。大家喺企業內重感情、親情、人情，輕正 義、公理、原則。所以中國企業大部分都大不了，因為冇健全制度，亦不太講法制，所謂股東會、董事會、監事會，喺人治下根本上無法發生作用，往往變成個人主 導（即主席話事）；再加上「子承父業」乃必然趨勢，影響企業與員工關係，繼而降低員工嘅積極性。當創業一代漸由核心層退出來由第二代接手，問題便浮現。 1997年香港經濟停滯不前，家族企業係最大原因，而唔係我地呢一代（戰後嬰兒）阻住Ｘ一代上位。事實上，係中國人嘅家族觀念令Ｘ一代無法憑實力獲得重用 而怨聲載道。
http://www.hkej.com/template/dnews/jsp/detail.jsp?dnews_id=917&title_id=105239曹Sir，高手，真係高手! 向你致敬，絕妙度:100分!
3 留言:
哈，多謝轉載
不過話時話，看他的訪問，真的不是會進軍大陸的人．他們的恐懼，對很多人來說，真的微不足道．
好文轉載,樂意之至。
他們那一代確實恐懼, 我們這一代根本當作平常事, 下一代更有客觀條件融合。
曹Sir話:「每一代人都要找突破點去隊冧上一代，你們這一代人連找破綻都不去想不去做，又如何突破呢？」
的確是這一代人的特性, 我覺得這一代優勢在高速學習能力以及Web2.0, 如果能同時培養出上一代的「勤力」特性,相信可以打開缺口。
你又點睇?
很同意二十來﹙甚至三十出頭﹚的香港人其實真的不夠上一輩的勤奮．在曾經任職過的幾間公司，不少這樣年紀的人﹙尤其男性﹚都好鍾意玩或者買嘢、換機．
大概是成長時期的物質已經頗豐裕了，長大後就懂得享受，鍾意抽時間玩，唔似以前的人成日做到無停手﹙或者係因為這一代人有「分三心兩意」的生活能力吧﹚．
發佈留言