青姐之言有誰共鳴?

青姐之言有誰共鳴?

( 錄自蘋果日報 )
雖說盡信圖不如無圖，但對於大路及較難以長時間人為操縱嘅股份，圖表形態陰陽燭走勢每每可助捕捉機會同趨吉避凶，財經網站最賣錢最吸引眼球嘅辦法，離不開市場導向嘅俾貼士項目，但作為投資者，面對此等即食材料時，切忌囫圇吞棗照單全收。

近年致力變革嘅老牌財經報，為開闢財路，以標榜幫你效法投資大師搵買貨訊號為賣點，月費近五百，扑中嘅話賺番本唔難，弊在竟然有客戶好儍好天真咁以為，但凡出現買入訊號嘅股份都可信以為真，可能佢哋唔知咩叫莊家嘜價、咩叫走勢陷阱。所謂買入訊號，離不開成交配合升勢、低位見陽燭、錘頭、十字星、曙光，陰陽燭組合見破頂、升破下降軌、 3條移動平均線向上分散、早晨之星、大成交破頂等等，就係呢類所謂秘技被神化，唔少人以為資訊好夠獨家，查實市旺之時，出現買入訊號嘅股份，隨時有幾十隻，唔通要隻隻買齊咩？
盲從選股系統太天真

投資者可以利用有關訊號提供的選擇，進一步根據上市公司質素進行篩選，務求收窄範圍，從中找出最有機會跑出嘅目標。個人每日都在經營同一種選股程序交功課出街，懶不得。

拍檔嘅朋友訂購咗選股系統，以為一隻連 PE都欠奉嘅細價股連續兩日出現買入訊號，就即時瞓身吸納博食大茶飯，殊不知買完隻股就玩停牌，復牌就宣佈大折讓大比例供股，前日更榮登五十大成交活躍榜，不過係股價單日跌咗七成幾嗰隻，噚日仲繼續跌多一成幾。

跌得咁急，欲救無從，人家反而想問番你點解會買得中一隻連基本因素都無嘅股，千幾隻股票難得俾你揀中，差一個冧把買中另一隻 836就已經成為逆市奇葩啦！勢估唔到，原來佢唔係自己揀，而係中咗伏！

(蘋果日報 胡孟青 信者失救事件 2011年05月05日)

青姐厚道,未開報社名稱,個人猜度,青姐所指的是信報「EJFQ信號」服務。 筆者有幸被邀試用「信號」一個月, 更在信報的論壇討論區提及當時的訊號技術水平比較幼嫩,期待它將來向更好的發展。作為半個「Model人」,筆者覺得信報敢於在香港這個即食文化市場裡開創以事實統計為基礎具有科學計量化精神的服務,其誠意、其勇氣都令人十分敬佩。

受股海One Piece費高一文所感染,對於信報「EJFQ信號」及各信號訂戶以至廣大的讀者有以下意見:

1. 順勢策略應以小注為先
信報的「紅綠燈」買賣訊號原理在跟隨趨勢(Trend Following),綠燈主升,紅燈主跌,順勢策略經年不衰,順勢大師Ed Seykota更創下12年三千倍利潤的驚人紀錄,然而順勢策略有先天不足的地方,即其勝算平均在四成以下,所以使用者必然以「小注、多交易次數、止蝕止賺比例在1:3或以上」這一套模式執行,結果才會獲利,如以單次重注交易,勝算難有優勢。

2. EJFQ信號仍有提升空間
本人相信「初哥看價、老手看量、專業看時」,個人發覺信號偏重於價格層面,而考慮細緻度亦只有讀數觸發的情況。如果「價格」、「成交量」以及「周期循環」各自為一點,將點與點連起可以成為線,三線連起成為面, 再透過「結構」貫穿多個面,將可以呈現出比較具有前瞻性的分析立體。始終覺得對「價、量、時」三者同步考慮,其分析方稱得上是專業,一般具備CMT(特許市場分析師)或CFTe(國際技術分析師協會認可分析師)資格的分析人員都會以此框架作分析考慮,其中CMT的Level2專業試更包含「量化交易訊號系統課題」,對交易訊號的掌握有高度要求,信號大可從中多加參考。

經一事,長一智,努力之下可以累積成果,交易訊號在香港仍然是發展階段,初期的嘗試、撞板是在所難免,期待信報可以在一片藍海中乘風破浪,開拓一片新天地。



相關連結
1. 信者失救事件(胡孟青)
2. EJFQ信號
3. 《信報》 重新定位 開拓未來 (費高)

相關文章 :